0

Америка киноакадемияси таркибида аёл ҳакамлар сони 2 баробар оширилади

Америка киноакадемияси ўз таркибида камчиликни ташкил этиб келган аёллар миқдорини 2 баробар оширмоқчи. Бу ҳақда ташкилотнинг расмий сайтида маълум қилинган. "Киноакадемия бошқарув кенгаши аъзолар сафида бир қатор ўзгаришлар амалга оширилиши бўйича қарорларни маъқуллади. Энди таркибда турли-туманлилик юзага келтирилади. Хусусан, 2020 йилгача киноакадемия таркибидаги аёллар сони 2 баробар оширилади", дейилади хабарда. Ташкилот раҳбари Шерил Бун Айзекс бу янги ўзгаришлар кутилган самараларни беришига ишонч билдирган. Қайд этиш керакки, бу ўзгаришлар "Оскар" мукофоти атрофидаги можаролар ортидан амалга оширилмоқда. 14 январь куни 2016 йилги номзодлар номи эълон қилинган 5та асосий йўналишдаги 20 нафар номзод қаторида биронта қора танли актёрнинг йўқлиги турфа норозиликларга сабаб бўлди.
DO'STLARINGA TAVSIYA ET!!!