Англия чемпионатида кутилган қарор қабул қилинди

Англия премьер-лигасида 2019/2020 йил мавсумидан бошлаб, расман қишги танаффус жорий этилади.
 
Икки ҳафталик танаффус ҳар йилнинг февраль ойида бошланади. Ушбу муддат давомида фақат бир тур ўтказилади. Турнинг дастлабки бешта ўйини биринчи ҳафтанинг дам олиш куни, қолган яна бештаси иккинчи ҳафтада бўлиб ўтиши режалаштирилган.
 
Англия кубоги ўйинлари ҳафтанинг ўртасига кўчирилди, шунинг учун бу босқичдаги такроран ўтказиладиган ўйинлар бекор қилинган.
 
Англия футбол ассоциацияси бу қарори билан футболчиларни миллий жамоаларидаги ўйинларга кучлироқ бўлиб бориб, кўпроқ ёрдами тегишини иддао қилган.