Chaqaloq boshidagi qazg'oqlar

Boladan ko'ra onani ko'p bezota 
qiladigan chaqaloq boshidagi 
qazg'oqlarni ketkazish mumkinmi? 

Deyarli har ikkinchi chaqaloq boshida 
qazg'oqlar paydo bo'ladi. Ular oq yoki 
sarg'ish rangda bo'lib, qalin yoki 
ingichka qoplamga ega bo'ladi. 
Ba'zi chaqaloqlarda qazg'oq boshning 
faqat ustki qismida bo'lsa, ba'zilarning 
butun boshini qamrab oladi. 
Chaqaloq boshidagi qazg'oqlar qanday 
va qancha bo'lishidan qat'iy nazar ular 
bezarar bo'lib, hech qanday kasallik 
alomati emasdir. 

Ular bolaning 1 yoshiga qadar o'zidan 
o'zi iz qoldirmay o'tib ketadi. 
Chaqaloq boshidagi qazg'oqlarni qirish, 
ko'vlash mutlaqo man etiladi. Bolaning 
terisi juda nozikligi tufayli qazg'oq bilan 
terini ham shilib olish mumkin. Bu esa 
infeksiya tarqalishiga yo'l ochadi. 

Qazg'oqlarning kelib chiqishining aniq 
sababi mavjud emas. Chaqaloqning teri 
mayinligi tufayli u ba'zi bolalarda 
yuzaga kelib, hech qanday muolaja yoki 
dori qo'llashni talab etmaydi. Ba'zida 
bolaning haddan tashqari tez-tez 
terlashi qazg'oqlar paydo bo'lishiga 
sababchi bo'lishi mumkin, deb aytiladi. 
Qazg'oqlar paydo bo'lishini oldini olish 
maqsadida chaqaloqqa uyda qalpoq 
kiygazmaslik tavsiya etiladi. Undan 
tashqari bolani boshini tabiiy 
moddalardan tarkib topgan sovun yoki 
shampunda yuvish lozim. 

Chaqaloq boshidag qazg'oqlar bir necha 
oyda o'zi tushib ketadi, agar tezroq 
tushishini istasangiz, quyidagi 
maslahatlar bilan tanishib chiqing. 
1. Chaqaloqni cho'miltirishdan oldin 
boshi terisiga chaqaloqlar vazelini yoki 
sterillangan zaytun yog'ini 20-30 
daqiqaga surib qo'yasiz; 
2. Boshiga chit qalpoqchani kiygazib 
qo'yasiz; 
3. Kerakli vaqt o'tgach yumshagan 
qazg'oqlarni asta sekinlik bilan 
chaqaloq tarog'ida tarab tashlaysiz. 
Kuch ishlatish, bosib tarash mumkin 
emas. Tushgani tushadi, qolgani suv 
bilan yuvilganida ketadi. 

Bolani boshidagi 
kichik miya 
chuqurchasini bosish , 
ezish yoki tarash 
mumkin emas. 

4. Chaqaloq boshini shampun yoki 
sovunda yuvasiz; 
5. Boshini artib yana bir bor asta 
sekinlik bilan qolib ketgan qazg'oqlarni 
tarab tashlaysiz. Chaqaloq kichik 
miyacha chuqurchasini taramaslik 
lozim. U joy miyaga yaqin va juda 
mayindir. 
Agar shundan so'ng ham qazg'oqlar 
qolib ketgan bo'lsa, ularni qirib 
o'tirmang. Keyingi safar o'zi tushib 
ketadi.