0

Esprit бренди асосчиси Чилида қайиқда сузиш вақтида ҳалок бўлди

The North Face ва Esprit кийим-кечак маркалари асосчиларидан бири, америкалик бизнесмен ва атроф-муҳит ҳимоячиси Дуглас Томпкинс 72 ёшида Чили ҳудудидаги кўлда каяк (усти берк тери қайиқ)да сузиш чоғида ҳалок бўлган. "Бизнесмен билан бирга яна беш нафар сайёҳдан иборат гуруҳ минган каяк Аргентина ва Чили чегарасидаги кўл ҳудудида сузиб кетаётганди. Ҳаво ёмонлашиши натижасида каяк ағдарилиб кетди ва йўловчилар музли сувга тушиб кетишди. Қутқарувчилар йўловчиларнинг таналарини олиб чиқишган", дейилади Рейтер хабарида. Томпкинс Чилидаги Койайаке шаҳридаги шифохонага етказишган, бироқ узоқ вақт музлаб қолгани туфайли, унинг ҳаётини қутқариб қолишнинг иложи бўлмаган. Шифокорларнинг айтишича, у касалхонага келтирилганида, тана ҳарорати 19 даражада бўлган. Унга ҳамроҳлик қилганларнинг барчаси тирик қолган. Маълумот учун, Дуглас Томпкинс 1964 йилда The North Face спорт кийим-кечаклари брендига асос солганди. 1968 йилда эса у Esprit кундалик кийим-кечаклар маркасини яратган. У шунингдек, атроф-муҳит ҳимоячиси сифатида ҳам маълум эди. Томпкинс тўғонлар қурилишига норози бўлиб чиққан, Патагониядан ер сотиб олиб табиат парки ташкил қилганди.
DO'STLARINGA TAVSIYA ET!!!