0

Европа Чемпионлар лигаси. Қуръа маросими тугади

Швейцариянинг Ньон шаҳридаги УЕФА ташкилоти қароргоҳида Европа Чемпионлар лигаси мусобақасининг чорак финал жуфтликларни аниқлаш учун қуръа ташлаш маросими бошланди. Биз ушбу саҳифа орқали қуръа жараёнини ёритиб боришга ҳаракат қиламиз. Шу кунгача етиб келган саккиз жамоанинг номлари алифбо бўйича саралаб қўйилган. Қуръа жараёни кўр-кўрона бўлиб ўтади. Яъни, исталган жамоа ихтиёрий жамоага рўбарў келиши мумкин. Жамоалар билан танишинг: "Атлетико" "Бавария" "Барселона" "Бенфика" "Вольсбург" "Манчестер Сити" "ПСЖ" "Реал" Мадрид ***** 15.14: "Тўққиз йилдан бери кетма-кет чорак финалга чиққанимизнинг ўзи каттагина статистикани кўрсатмоқда. Яна бошқа шунақа жамоа борлигини билмайман. Мен чорак финалда фақатгина битта жамоага қарши тушмасликни истайман. У - "Барса"!", - дейди Луис Энрике, "Барселона" бош мураббийи 15.20: "Тўғри, Бундеслигада омадимиз чопмаяпти. Аммо, ЕЧЛда яхши иштирок этяпмиз. Агар кейинги босқчига чиқа олсак хурсанд бўлардим", - дейди Клаус Аллофс, "Вольфсбур" бош директори 15.25: "Барселона" ишқибозлари шу босқчидаёқ "Реал"га рўбарў келишни исташяпти. Буни сўровномадан билиб олдик. Улар ўзларининг асосий рақибларини шу босқичдаёқ йўққа чиқаришни хоҳлашмоқда. Агар жиддий айтадиган бўлсам, "Барса" чорак финалда "Бавария" ва "Реал"га дуч келишни истамайди", - дейди Йозеф Валкер, мадридлик журналист 15.38: "Агар узоқроққа боришни истасак шу босқчидаёқ кучли рақибларни енгиш керак. Улар билан финалга яқин учрашгандан кўра, ҳозир ютишимиз лозим. Кўриниб турибдики, "Барселона" ва "Бавария" жамоалари етакчилар ҳисобланишади. Уларга тушиб қолмасак зўр бўларди", - дейди Серхио Агуэро, "Манчестер Сити" ҳужумчиси 15.43: "Ярим финалга чиқишни истайсизми? Унда исталган рақибни енгишга тайёр бўлишингиз лозим", - дейди Хосеп Гвардиола, "Бавария" бош мураббийи 15.47: "Биз мағлубиятсиз серияларимизни янгилаб, рекорд қилишга интилмаяпмиз. Агар ярим финалга чиқсак бундан фақат хурсанд бўламан", - дейди Лионель Месси, "Барселона" ҳужумчиси 15.55: "Бу босқичга осон рақибнинг ўзи етиб келмайди. Барча жамоалар ўзларининг энг яхши жиҳатларини кўрсата олишди. Биз кимга тушишимиздан қатъий назар рақибни ҳурмат қиламиз. "Реал" ўз услубини сақлаб қолади", - дейди Кейрлор Навас, "Реал" дарвозабони 16.00: Қуръа маросими бошланди! 16.05: Кириш қисми давом этмоқда 16.07: Жуфтликларни италиялик собиқ ҳимоячи Жанлука Замбротта аниқлаб беради БОШЛАДИК! 1-жуфтлик: "Вольсбург" - "Реал" Мадрид 2-жуфтлик: "Бавария" - "Бенфика" 3-жуфтлик: "Барселона" - "Атлетико" 4-жуфтлик: "ПСЖ" - "Манчестер Сити" Қуръа тугади. Эътиборингиз учун раҳмат!
DO'STLARINGA TAVSIYA ET!!!