0

ИШИД раҳбарларининг Ироқ провинциясидаги учрашуви жанжал ва отишмалар билан тугади

ИШИД раҳбарларининг махфий учрашуви ўзаро жанжал ва отишмалар билан тугади. Бу ҳақида The Daily Star хабар берди. "Хашд аш-Шаабий" шиа айирмачилари вакили Жаббор Мамурийнинг маълум қилишича, ИШИД етакчилари йўқотишлардан кейинги тактик ва стратегик режаларни келишиб олиш учун Ироқдаги Дияла ва Салоҳуддин провинциялари ўртасида жойлашган, назорат остидаги ҳудудда тўпланишган. Мамурийнинг сўзларига кўра, учрашувда ИШИДнинг маҳаллий араб миллатига мансуб ва бошқа етакчилари (миллатига аниқлик киритилмаган) ўртасида жанжал чиқиб, отишмага айланиб кетган. Манбага кўра, камида бир нафар ИШИД раҳбари ўлдирилган, 3 нафар рақиби эса жароҳат олган. Маълумотларга кўра, сўнгги пайтларда ИШИД жангарилари орасида катта йўқотишлар бўлаётгани, назорат остидаги ҳудудлар қисқараётгани ва молиявий харажатлар кўпайгани сабаб гуруҳ раҳбариятида тез-тез зиддиятлар кузатилмоқда
DO'STLARINGA TAVSIYA ET!!!