0

Хитой жамоаларининг трансферларига чекловлар ўрнатилади

Хитой Спорт ишлари бўйича бош маъмурияти маълум қилдики, футбол клубларининг трансферлар учун сарфлайдиган харажатлари миқдори чекланади. Вазирлик «Шанхай Шеньхуа» жамоаси «Бока Хуниорс»дан Карлос Тевесни трансфер қилиб, катта шов-шув кўтарганидан кейин шундай қарор қабул қилган. Аргентиналик футболчи Очиқ осмон остидаги ўлкага келиш орқали дунёнинг энг қимматбаҳо футболчисига айланди. 33 ёшда бўлган бу футболчига ҳафтасига 780 минг евро миқдорида маош тайинланган ва у 2 йил давомида 60 миллион евро ишлаб олади. «Ақлсизлик билан капитал сарфлашни назорат қилиш мақсадида футболчиларнинг маошлари ва трансфер қийматларига муайян чегара ўрнатилади. Клублар юлдуз футболчиларни таркибга жалб этишда катта пуллар сарфлашдан тийилиши керак бўлади. Хориждан футболчиларни олиб келишда ва уларга маош белгилашда клублар ҳаддан ташқари кўп пул сарфлаши эътиборни тортмоқда ва бу баъзи муаммоларни юзага келтирмоқда. Биз тартибсиз трансферларга ва шартномаларга қарши курашамиз. Қоида бузган футболчилар ва агентлар жиддий жазоланади», – дейилган маъмурият баёнотида.
DO'STLARINGA TAVSIYA ET!!!