0

Ходорковский Россиянинг келажагини қандай кўраётганини маълум қилди

Россиялик мухолиф сиёсатчи Михаил Ходорковский унга қўйилган янги айбловлар юзасидан матбуот анжумани берди. Унда у Россиянинг келажаги қандай бўлиши ҳақида фикр билдирди. “Ҳаққоний сайловлар институти ҳамда ҳокимиятни қонуний алмаштиришнинг бошқа механизмлари йўқлиги шароитида ягона йўл қолади – инқилоб. Россияда инқилобдан қочиб бўлмайди. Гап бу инқилобни имкон қадар тинч руҳда ўтказишдадир”, - деди Ходорковский. У жамиятга муқобил қарашни тақдим этиш йўлида ишлаётганини маълум қилди. “Мен Россияни мустақил судья ва парламентга эга ҳуқуқий давлат сифатида кўрмоқдаман, - таъкидлади сиёсатчи. – Россияга кучли ва мустақил ҳукумат зарур. Россияга ҳеч қандай товламачиликсиз мансабни икки муддатдан сўнг топширадиган президенти ҳам керак”. Бунинг учун эса, унинг фикрича, ҳокимият ўзгариши ва изоляция тўхташи лозим: “Россия жамоатчилиги тан олиши лозим: мамлакатда аксилконституциявий тўнтариш содир бўлди”. “Инқилоб – яхши сўз. У тинч ўтиши мумкин ва ўтиши керак ҳам. Инқилобни тинч ўтказиш бизнинг умумий вазифамиздир”, - хулоса қилди Ходорковский. Унинг чиқиши YouTube’да “Открытая Россия” канали томонидан олиб борилмоқда.
DO'STLARINGA TAVSIYA ET!!!