0

Криштиану Роналду муваффақиятининг бешта сабаби

Жаҳон оммавий ахборот воситалари айни пайтда ажойиб жисмоний етуклик даврини бошдан ўтказаётган португалиялик футболчи Криштиану Роналду ҳақида жуда кўп мақолалар бермоқда. Биз ҳам бу - феномен футболчининг муваффақиятларга эришишида омил бўлган жиҳатларига тўхталмоқчимиз. Асосийси, эпчиллик, чидамлилик, куч ва тезликдаги қудрат йиғиндиси яна ғалабага бўлган чанқоқлик орқали Криштиану Роналду ҳозирда жаҳонинг энг зўр футболчиларидан бирига айланди. 1. Чидамлилик Роналду бир ўйин давомида 10 кмдан кўпроқ масофани босиб ўтади, унинг гавдасидаги мускуллар тинимсиз меҳнат натижасидир. Ўтган мавсумдаги голларининг чорак қисмини у ўйининг охирги 20 дақиқасида киритган. Бошқалар матч охирига келиб ҳансираб қолган вақтда у аввалги ҳолатида тўп сура олади. 2. Кучлилик Роналду 200 кг оғирликдаги штанга билан ўтириб-туриш машқига катта эътибор қаратади. Кучли квадрицепс(сон мушак)лари бош билан гол уриш учун жуда зарур жиҳатдир. Крис НБА баскетболчилари сингари 79 смга сакрай олади. Демак у майсадан 259 см юқорида бўлган тўпга зарба бериши мумкин деганидир. 3. Х-фактор Роналду ўйин пайтида бошқа футболчиларга нисбатан тезкор қарор чиқара олади. Дунёда саноқли бўлган маҳоратли футболчиларда маконни зудлик билан англаш қобилияти ривожланган бўлиб, бу жиҳат секундига еттита турли объектларни ҳаракатини баҳолай оладилар, оддий инсон эса ўртача бешта нарса ҳаракатини баҳолай олиши мумкин. Криштиану ҳимоячини алдашга киришганида рақибни озгина ҳаракатидан қандай ҳаракатни режалаштираётганини сезиб, яна бошқа футболчиларнинг қайси ҳолатда турганини эслаб қолади. Буларни бари у беихтиёрий равишда бажаради. 4. Тезлик Роналду бир ўйин давомида 33 марта ўзининг энг юқори тезлиги бўлган - соатига 33 км тезликка чиқади. КР7нинг портлашга қиёсланадиган тезлиги унга нисбатан суний ўйиндан ташқари ҳолатни келтиришга умуман имкон бермаслиги аниқланган. Ундаги ўз танасини такрорланмас даражада назорат қилиш қобилияти йўналишни қўққис ўзгартиришга имкон бергани учун Криштиану дриблинг қилаётган пайтида тутқич бермас футболчига айланади. 5. Қудрат Роналду тепган тўпнинг тезлиги соатига 130 км тезликкача етиши мумкин. Футболчининг беқиёс техникаси боис жарима зарбалари пайтида унинг оёқ панжасининг олди томони худди тўпни қучоқлаб олгандек кўринади. Натижада тўп дарвозабонларга имконият қолдирмайдиган даражада айланиб, ўз траекториясини 274 см атрофида йўналишини ўзгартира олади
DO'STLARINGA TAVSIYA ET!!!