0

Латофатли Лоладан яна бир қишги совға

Эстрадамизнинг латофатли хонандасиЛола сўнгги кунларда ўз мухлисларини ҳайратлантирмоқда. У хеч кимнинг ҳаёлига келмаган ва кутилмаган янгиликлар билан катта-ю кичикни хушнуд қилиб келмоқда. 13-январь куни, пойтахтимизда жойлашган кўнгилочар савдо-марказларидан бирида “12 ой” аудио китобининг талаб ва истакларга биноан яна бир бор тақдимотини ўтказди. Мазкур намойишнинг асосий иштирокчиларини болажонлар ташкил этди. Уларга хонанда бир олам қувонч улашди десак янглишмаймиз. У “12 ой” эртагини болажонлар учун ўқиб бери. Шунингдек, эртак қаҳрамонларини истеъдодли актёр ва актрисалар ўз образлари орқали қайта жонлантиришди. Бу эса болажонларни янада хурсанд қилди. Мўжизаларга бой бўлган қиш фаслида Лола барчага яхши кайфият улашди. Тақдимотдан сўнг ташриф буюрганлар билан фотосессия амалга оширилди. Қолаверса, Лоланинг дастхати туширилган дисклар совға сифатида келганга тақдим қилинди. Аудио-китобга дастхат қўйдириб, хонанда билан фотосуратга тушаётган мухлислар нигоҳида бугунги кун учун миннатдорлик ва мамнунлик ҳисси акс этган эди.
DO'STLARINGA TAVSIYA ET!!!