0

«Манчестер Юнайтед» ўзида «Эвертон»ни кичик ҳисобда мағлубиятга учратди

Англия чемпионатининг 32-туридан ўрин олган “Манчестер Юнайтед” ва “Эвертон” ўртасидаги учрашув ўз якунига етди. Унда 1:0 ҳисоби қайд этилиб, манкунианликлар ғалабаси билан якунланди. Биринчи бўлим бироз зерикарли ўтди ва жамоалар танаффусга 0:0 ҳисобида чиқиб кетди. Иккинчи бўлимни фаол бошлаган “қизил иблислар” 54 дақиқада ҳисобни очишга муваффақ бўлишди. Антони Марсьяль жамоадоши Тимоти Фосу-Менсанинг узатмасидан сўнг Роблес қўриқлаётган дарвозани аниқ нишонга олди. Марсьялнинг голи учрашувда ягоналигича қолди ва “МЮ” муҳим ғалабани қўлга киритди. Мазкур муваффақиятдан сўнг Луи ван Гал жамоаси очколар сонини 53 тага етказиб, бешинчи ўринга кўтарилиб олди. 38 очко билан қолиб кетган “Эвертон” эса 12-ўринда қолиб кетди. Англия чемпионати, 32-тур Манчестер Юнайтед – Эвертон 1:0 Гол: Марсьль (54) Огоҳлантиришлар: Смоллинг (61), Лингард (90) Манчестер Юнайтед: Де Хеа, Смоллинг, Рохо (Фосу-Менса, 46), Дармиан, Блинд (Валенсия, 82), Лингард, Шнайдерлин, Кэррик (Эррера, 58), Мата, Марсьяль, Рэшфорд. Эвертон: Роблес, Стоунз, Бейнс, Коулмэн, Жагиелка, Баркли (Ниассе, 87), Клеверли, Леннон, Маккарти, Деулофеу (Миральяс, 63), Лукаку.
DO'STLARINGA TAVSIYA ET!!!