Россияликлар тиз чўкиб Путиндан ёрдам сўради

Россиянинг Екатиринбург шаҳри аҳолиси мамлакат президенти Владимир Путинга видеомурожаат йўллади. Улар тиз чўккан ҳолда президентдан квартира масаласини ҳал қилишда ёрдам беришини сўраганлар.
 
30 май куни бўлиб ўтган ушбу намойишда бор йўғи 20 нафар алданган фуқаро қатнашган. Улар арзон уй-жой билан таъминлашни ваъда қилган Владимир Воробьёв исмли қаллобга пулларини бериб юборганликларини айтишмоқда.
 
Воробьёв айни вақтда 6 йилга қамалган. Айблов ҳукмига кўра, у шаҳарнинг хусусий қисмида шахсий турар-жойлар қуриш шарти билан ер сотиб олган. У ерда россияликларнинг ўз уйларига эга бўлишига ёрдам беришни ваъда қилиб, кўп қаватли арзон уйлар қурган. Алданган қариялар на уй олган, на пулларини.