0

Россиянинг энг янги Су-35 самолётлари Хмеймим авиабазасида кунбўйи навбатчилик қилишни бошлайди

Россиянинг энг янги 4 та Су-35 қирувчи самолёти жуфт-жуфт бўлиб Суриянинг Латақия вилоятидаги Хмеймим авиабазасида парвозга бир дақиқалик тайёргарлик билан кунбўйи навбатчилик қилишни бошлайди. Бу ҳақда 5 февралда Россия ҳарбий-коинот кучларининг Суриядаги гуруҳи вакили маълум қилди. Бу ҳақда ТАСС ахборот агентлиги хабар бермоқда. "Самолётларнинг зарба берувчи авиация билан ҳаракатланиш принципи қуйидагича бўлади: Су-35 ҳавода бўлган самолётларни ҳимоя қилади ва шу билан уларнинг кўриш майдонини оширади. Су-35 жуфтлигидан фойдаланганда, самолётларнинг кўриш бурчаги 400 км гача атрофда 360 градусгача етади", деб айтди вакил. Вакилнинг айтишича, Су-35 зарба берувчи самолётларни ҳимоя қилиш билан бирга ўзи ҳам зарбалар беради. Самолёт бир вақтнинг ўзида 8 та нишонни аниқлаши, уни тақиб қилиши ва уларга ҳужум қилишга қодир. 1 февралда Россия Хмеймим авиабазасига 4 та Су-35 самолётини ташлагани маълум қилинганди.
DO'STLARINGA TAVSIYA ET!!!