0

Руминияда парламент сайловлари бошланди

Бугун, 11 декабрь маҳаллий вақт билан соат 8:00да Руминияда парламент сайловлари бошланди, мамлакатда 1 254 сайлов участкаси очилди. Ҳозирга қадар, марказий сайлов бюроси (МСБ) маълумотларига кўра, тахминан 70 минг киши овоз беришда иштирок этган. Депутатлар палатаси ва Сенатдаги 466 ўринга 6,5 минг номзод даъвогарлик қилмоқда. 2004 йилдан кейин илк марта овоз бериш партия рўйхатлари бўйича ўтказилмоқда, сайловчиларнинг қатнашиши ва комиссия томонидан овозларнинг ҳисобланишига доир мониторинг қўлланмоқда. Хорижда яшовчи 4,5 мингга яқин руминиялик почта орқали овоз берди. Сайловлардаги асосий рақиблар: сўл-марказ Социал-демкоратик партияси (СДП) ва ўнг-марказ Миллий-либерал партияси (МЛП). Социал-демкоратлар иш ҳақини ошириш ва солиқларни камайтиришга ваъда беришмоқда, либераллар эса - коррупция билан курашишга. Бугунги кунда Руминия ҳукумати тепасида партиясиз технократлар фаолият олиб бормоқда. Ҳукумат раҳбари кампанияда расман қатнашмади, лекин МЛП уни сайловлардан кейин ўзининг бош вазирликка номзоди сифатида эълон қилди. Тахминларга кўра, СДП тахминан 40 фоиз овоз билан сайловларда ғалаба қозонади, МЛП эса - 30 фоиз атрофида. Руминиядаги сайловларда хавфсизликни таъминлаш учун 45 минг полициячи, жандарм ва ўт ўчирувчи жалб қилинган. Сайлов участкалари маҳаллий вақт билан соат 22:00да ёпилади.
DO'STLARINGA TAVSIYA ET!!!