0

Турк ОАВ: Ҳалабдаги жиноятлар эронлик генерал билан боғлиқ

Ҳалабнинг шарқий туманларига уюштираётган ҳужумларида асосан Сурия режимини қўллаб-қувватловчи ёлланма жангчилар отрядлари иштирок этмоқда. Улар Сурияга уч йил аввал келишган, деб ёзади турк ОАВ.

Анадолу агентлигининг хабар беришича, ёлланма жангчилар отрядининг бир қисмига қўмондонлик қилувчи эронлик генерал Сади Жавад Ҳалабдаги тинч аҳолига уюштирилган ҳужумларда катта ўрин тутган. Айнан улар шаҳарнинг шарқий қисмидаги ўт очишни тўхтатиш жараёнига ҳалақит берди.

Маълумотларга кўра, Ҳалабда Жавад бошчилигида деярли етти минг террорчи жанг олиб бормоқда. Ушбу шахс тинч аҳоли вакилларини оммавий равишда ўлдирганлиги ҳам таъкидлаб ўтилган.

Маълумот учун, Ҳалаб Сурия шимолида жойлашган бўлиб, мамлакатнинг катталиги бўйича Дамашқдан сўнг иккинчи ўринда турувчи шаҳри ҳисобланади. У турк чегарасидан 40 километр узоқликда жойлашган. Суриядаги уруш эса 2011 йилда бошланган бўлиб, ўшанда тинч норозилик намойишлари қуролли тўқнашувларга айланиб кетган.

БМТ маълумотларига кўра, можаро давомида 400 мингдан ортиқ киши ҳалок бўлиб, 10 миллиондан ортиқ инсон ўз уйини ташлаб чиқиб кетишга мажбур бўлган.
DO'STLARINGA TAVSIYA ET!!!