0

Туркияда сайловлар: Террорчилар теракт уюштиришни режалаштиришган эди

24 июнь куни Туркияда муддатидан олдинги Президентлик ва Парламент депутатлиги учун сайловлар ўтказилади.

Туркия пойтахти Анқара шаҳрида муддатидан аввал ўтказиладиган Президентлик ва Парламент депутатлиги учун сайловлар олдидан теракт тайёрлашда гумон қилинган ИШИД террорчилик гуруҳининг 14 нафар аъзоси қўлга олинди. Бу ҳақда “Anadolu” агентлиги хабар бермоқда.

Хабарда айтилишича, террорчилар Анқарадаги бир қанча манзилда ўтказилган тезкор тадбирлар натижасида қўлга олинган. Уларнинг барчаси хорижлик.

Маълумот ўрнида, 24 июнь куни Туркияда муддатидан аввал Президентлик ва Парламент депутатлиги учун сайловлар ўтказилади.

Эслатиб ўтамиз, аввалроқ Туркиядаги икки йирик шаҳар Измир ва Истанбулда 18 нафар “Ислом давлати” террорчилик гуруҳи аъзоси қўлга олинган эди.
DO'STLARINGA TAVSIYA ET!!!