0

Ўзбекистон терма жамоаси қийинчилик билан Филиппинни мағлуб этди

Ўзбекистон миллий терма жамоаси Филиппинга қарши ЖЧ-2018 мусобақасининг Осиё қитъаси 2-саралашининг гуруҳ босқич 9-тур учрашувида майдонга чиқди. Қийин кечган учрашувда Ўзбекистон терма жамоаси 1:0 ҳисобида ғалаба қозонди. Биринчи бўлимда терма жамоамиз ҳисобни очиш учун кўплаб имкониятларга эга бўлди. Бироқ, Филиппин термаси посбони анча ишончли ҳаракат қилиб, хавфли вазиятларни бартараф қилди. Мазкур бўлининг 10-дақиқасидан бошлаб терма жамоамиз бир киши кўп бўлиб ҳаракат қилганини алоҳида таъкидлааш керак. Иккинчи бўлимда Самвел Бабаян бир қатор ўзгаришларни амалга оширди ва бу 59-дақиқада ўз самарасини берди. Захирадан майдонга тушган Александр Гейнрих жарима тўпини ишлади ва уни ўзи бажарди. Тажрибали ҳужумчимизнинг узатмасидан сўнг Анзур Исмоилов ниҳоят гол киритишга муваффақ бўлди. Мазкур гол учрашувда ягоналигича қолди ва терма жамоамиз қимматли уч очкога эга бўлди. Ўзбекистон – Филиппин 1:0 Гол: 1:0 – 59 Исмоилов Ўзбекистон: Александр Лобанов, Егор Кримец, Анзур Исмоилов, Сервер Жепаров (Гейнрих, 57), Одил Аҳмедов, Сардор Рашидов (Бикмаев), Игорь Сергеев, Жавоҳир Соҳибов, Виталий Денисов, Ислом Тўхтахўжаев, Элдор Шомуродов (Ҳасанов, 52). Филиппин: Нил Этериж, Симоне Рота, Хуан Гирадо, Люк Вудланд, Иан Рэмзи, Сато Дайсуке, Амани Агуиналдо, Патрик Рейчелт, Хавьер Патино, Мартин Штубл, Портериа. Огоҳлантиришлар: Мартин Штубл, 8 Четлатиш: Хосе Элмер Портериа, 10
DO'STLARINGA TAVSIYA ET!!!