0

Жанубий Корея президенти импичменти мамлакат иқтисодиётга таъсир кўрсатмади

Корея Республикаси (КР) президенти Пак Кин Хе импичменти мамлакат иқтисодиётига таъсир кўрсатмади. Бу ҳақида Сеулда хорижий мухбирлар учун бўлиб ўтган брифингда КР ҳукуматининг бош вазир ўринбосари ҳамда режалаштириш ва молия вазири Ю Иль Хе маълум қилди. ТАСС агентлиги шу ҳақида хабар берди. "Ҳозирга қадар импичмент молиявий бозорга, шу жумладан асосий биржа кўрсаткичлари ва Жанубий Корея вонининг АҚШ долларига алмашув курсига таъсир ўтказмади", - деди бош вазир ўринбосари. Ю Иль Хо ўз мажбуриятларини бажариш ва миллий иқтисодиётни назорат қилишда давом этишини ишонч билан таъкидлади. Унинг сўзларига кўра, "2017 йил учун парламент томонидан қабул қилинган бюджет ўзгаришсиз қолади". Бош вазир ўринбосари келаси йилда ўз эътиборини маиший қарзларнинг ўсиши, паст туғилиш даражаси ва жамиятнинг қариши каби таркибий иқтисодий муаммоларни бартараф қилишга қаратишга ваъда берди. Бундан ташқари, иқтисодий ўсишни таъминлаш ва саноат ҳамда корпорацияларни қайта тузишни кенгайтириш қайд этилди. 9 декабрда парламент президент импичменти учун овоз берганидан кейин Пак Кын Хе ўз вазифаларини бажаришдан вақтинчалик четлатилди. Президент вазифаларини бажариш эса мамлакат бош вазири Хван Гё Ан зиммасига юклатилди. Президентни ҳукуматдан четлатиш жараёни Конституциявий суд томонидан овоз бериш натижалари тасдиқлангандан кейин якунланади. Бу жараёнга қонун томонидан 6 ойгача муддат берилади
DO'STLARINGA TAVSIYA ET!!!