Жерар Пике: «Атлетико»га қарши кечадиган ўйинда биз фаворитмиз

«Барселона» ҳимоячиси Жерар Пике «Атлетико»га қарши кечадиган ЕЧЛ ўйини олдидан фикрларини билдириб ўтди.

- «Атлетико»га қарши кечадиган ўйин жуда катта аҳамиятга эга. Биз яхши савиядаги ўйин намойиш қилиб, натижага эришмоқчимиз.

Ишончим комилки, майдонда «Барселона»нинг энг яхши кўриниши бўлади. Биз ўтган йили нима сабабга кўра барча мусобақаларда ғолиб чиққанимизни исботламоқчимиз.

«Атлетико»га қарши кечадиган ўйинга телбаларча иштиёқ билан яқинлашмоқдамиз. Майдонда тенг кураш бўлади. Аммо биз олдин ҳам ғалаба қозонганмиз ва фаворит эканимизни яхши биламиз, - дейди Пике.